Ака уйӑхӗн 25-мӗшӗнче пӗтӗм чӑваш халӑхӗ пирӗн аслӑ асаттемӗр И. Я. Яковлев ҫуралнӑ кунне уявлать. Чӑваш халӑхне ҫутта кӑларассишӗн вӑл сахал мар вӑй хунӑ. Ҫак кун кашни ҫулах И. Я. Яковлева халалласа  чӑваш халӑхӗ   «Пӗтӗм чӑваш диктанчӗ-2019» акции иртет. Эпир те аякра юлмарӑмӑр. Пирӗн шкулта вӗренекен ачасем, уйрӑмах 7-9 класс ачисем, хаваспах ҫак акцие хутшӑнчӗҫ. Диктант тексчӗ чӑвашсен пӗрремӗш киноактрисси Тани Юн пирки пулчӗ. Ҫак текста Чӑваш Республикин писателсен Союзӗн членӗ, Раҫҫейри журналистсен Союзӗн членӗ, Чӑваш Республикин Ҫамрӑксен патшалӑх премийӗн лауреачӗ, Чӑваш Республикин  Патшалӑх Совечӗн «Республика» хаҫачӗн корреспондетчӗ, журналист, ҫыравҫӑ, куҫаруҫӑ Владислав Николаев хатӗрленӗ.